GameCharge (@GameChargeUz_bot va gamechargeshop.com) — o'yin ichi valyutasi (donat) sotib olish xizmati. Xizmatdan foydalanib, siz ushbu shartlarga rozilik bildirasiz. Agar rozi bo'lmasangiz, xizmatdan foydalanmang.
2. Xizmat haqida
GameCharge turli o'yinlar uchun donat (UC, olmos, gold, robux va h.k.) yetkazib beruvchi mustaqil sotuvchidir. Biz o'yin nashriyotlari (PUBG, Mobile Legends, Free Fire, Riot va boshqalar) bilan rasmiy hamkor emasmiz. O'yin nomlari va logolari faqat qaysi mahsulot sotilayotganini ko'rsatish uchun ishlatiladi.
3. Buyurtma va to'lov
To'lov usullari: UZCARD, HUMO, Visa va hamyon (balans).
Barcha buyurtmalar oldindan to'lanadi. To'lov tasdiqlangach donat yetkaziladi.
Narxlar so'mda ko'rsatiladi va istalgan vaqtda o'zgarishi mumkin. Buyurtma berilgan paytdagi narx amal qiladi.
Buyurtma yetkazila boshlangach uni bekor qilib bo'lmaydi. Yetkazish boshlanishidan oldin bekor qilinsa, to'lov balansga qaytariladi.
Texnik xato tufayli narx aniq noto'g'ri (masalan, haqiqiy narxdan bir necha barobar past) ko'rsatilsa, GameCharge buyurtmani bekor qilib, to'lovni to'liq qaytarish huquqini saqlaydi.
4. Game ID va mas'uliyat
Foydalanuvchi buyurtmada to'g'ri o'yin ID / username kiritishga o'zi javobgar.
Noto'g'ri ID kiritilib, donat boshqa hisobga ketsa — u ham, to'lov ham qaytarilmaydi. ID ni yuborishdan oldin diqqat bilan tekshiring.
To'lov yoki yetkazishdagi muammo bizning tizimdan tashqari sabab (bank, karta, mijoz telefoni, internet yoki o'yin serveri) tufayli bo'lsa — GameCharge javobgar emas.
Muammo bizning tomonda (bot yoki tizim xatosi) bo'lsa — biz uni tuzatamiz yoki mablag'ni to'liq qaytaramiz.
5. Yetkazish
Qo'lda yetkazish: odatda bir necha daqiqa (ish vaqtida). Avtomatik: bir zumda.
Ish vaqtidan tashqari yoki yuqori bandlikda kechikish bo'lishi mumkin.
Yetkazish o'yin serveri yoki nashriyot tomonidan cheklansa — muqobil yechim taklif qilamiz yoki to'lovni qaytaramiz.
6. Qaytarish (refund)
Qaytariladi: buyurtma to'langan bo'lsa-yu, bizning aybimiz (texnik xato) tufayli yetkazilmasa.
Qaytarilmaydi: donat muvaffaqiyatli yetkazilgan bo'lsa; noto'g'ri ID mijoz tomonidan kiritilgan bo'lsa; muammo bank/karta/mijoz telefoni sababli bo'lsa.
Raqamli tovar o'yinchi hisobiga tushgach qaytarib bo'lmaydi.
Muammo haqida yetkazishdan so'ng 48 soat ichida support'ga xabar bering. Bu muddatdan keyin buyurtma muvaffaqiyatli yetkazilgan deb hisoblanadi.
Tasdiqlangan qaytarish balansga darhol, kartaga esa 1–3 ish kuni ichida amalga oshiriladi.
7. Raqamli kod va obunalar
Gift-card kodi yoki obuna ma'lumoti ko'rsatilgach (ochilgach) qaytarilmaydi va almashtirilmaydi — kod noto'g'ri yoki umuman ishlamaydigan bo'lgan holatlar bundan mustasno (bunda almashtiramiz yoki pulni qaytaramiz).
Ba'zi kod va obunalar hudud (region) bo'yicha cheklangan. Sotib olishdan oldin o'z hududingiz/akkauntingizga mosligini tekshiring; noto'g'ri hudud tanlansa javobgarlik mijozda.
Ba'zi obunalar umumiy (family/shared) rejimda taqdim etilishi mumkin. Obuna kafolat muddati ichida ishlamay qolsa — almashtiramiz yoki qolgan muddat uchun to'lovni qaytaramiz.
Kod yoki obuna ma'lumotini uchinchi shaxsga bermang; berilsa, yuzaga keladigan muammolarga GameCharge javobgar emas.
8. Hamyon (balans)
Balansni oldindan to'ldirib, undan tez to'lov qilishingiz mumkin.
Balans faqat GameCharge'da xarid uchun ishlatiladi va naqd pulga yechilmaydi (alohida ruxsat berilgan hollardan tashqari).
To'ldirilgan, lekin ishlatilmagan balans so'rovingizga ko'ra dastlabki to'lov usuliga qaytarilishi mumkin. Bonus, cashback va promo summalari qaytarilmaydi.
9. Referal, cashback va promo-kodlar
Bonus, cashback va referal dasturlari amal qiladi.
Suiiste'mol (soxta akkaunt, aldov, tizimni chalg'itish) aniqlansa — bonuslar bekor qilinadi va akkaunt bloklanishi mumkin.
GameCharge dastur shartlarini o'zgartirish yoki to'xtatish huquqini saqlaydi.
10. Taqiqlangan harakatlar
Firibgarlik, o'g'irlangan karta yoki soxta chek ishlatish.
To'lovni asossiz qaytarib olish (chargeback).
Bir necha akkaunt orqali bonus olish yoki xizmatni suiiste'mol qilish.
Bunday hollarda GameCharge xizmatni rad etish va akkauntni bloklash huquqiga ega. Firibgarlik yoki suiiste'mol aniqlansa, akkaunt bloklanadi va noqonuniy yo'l bilan olingan bonus, cashback va balans bekor qilinadi.
11. Mas'uliyat cheklovi
GameCharge xizmat uzilishlari, kechikishlar, bank/internet/o'yin serveri nosozliklari uchun javobgar emas.
O'yin akkauntining nashriyot tomonidan bloklanishi uchun GameCharge javobgar emas.
Fors-major: urush, tabiiy ofat, hukumat cheklovlari, Telegram yoki to'lov tizimlarining ishdan chiqishi kabi bizga bog'liq bo'lmagan holatlarda yuzaga kelgan uzilish/kechikish uchun GameCharge javobgar emas.
Har qanday holatda bizning javobgarligimiz buyurtma summasidan oshmaydi.
12. Maxfiylik
Telegram ID, o'yin ID, buyurtma va to'lov ma'lumotlari faqat xizmat ko'rsatish uchun saqlanadi.
Ma'lumotlaringiz uchinchi shaxslarga sotilmaydi (qonun talab qilgan hollardan tashqari).
13. Shartlarni o'zgartirish
GameCharge ushbu shartlarni istalgan vaqtda yangilashi mumkin. Xizmatdan davom etib foydalanish yangi shartlarga rozilik hisoblanadi.
14. Qonun va nizolar
Ushbu shartlar O'zbekiston Respublikasi qonunlariga muvofiq amal qiladi. Nizolar avvalo muzokara va support xizmati orqali hal qilinadi.